martes 05 maio 2015

Sabugueiro na poesía galega

Sabugueiro da folla repinicada
polo maio estralando de brancas frores
collereiche un ramallo na madrugada
pra facer un feitizo prós meus amores.
Que non fuxan os merlos que fan o niño
no máis mesto curruncho dos teu verdores:
esgazareiche as ponlas moi a modiño
pra facer un feitizo prós meus amores
Cocereiche con cornos de bacaloura,
con fiúncho e con ruda dos arredores
da ermida feituqueira da Virxe loura
pra facer un feitizo prós meus amores.
Pra este amor, sabugueiro, que me entolece
túas frores segura menciña son,
que ti tamén froreces cando frorece,
vermelliño de rosas, meu corazón.
Fermín Bouza Brey.

xoves 13 novembro 2014

Podemos vivir e traballar no noso medio.


A pasada fin de semana estivemos na feira de Outono de Allariz, unha cita importante para nós. Unha feira con moito caracter local, pois a maioría dos postos somos produtores/as locais.


Dentro da feira podiamos atopar diversidade de produtos producidos e transformados en Allariz e nos concellos próximos, entre eles nós apostando polo sabugueiro pero tamén Petelos coa súa fariña de castañas, O Rexo co seu queixo de ovella, Embutidos Vilaboa cos seus chourizos e cachuchas, Dama Alaricana coa súa cervexa, Mimá coa súa horta ecolóxica, Carmiña co pan en forno de leña, Pan do demo cos seus cogomelos,... 

Pequena iniciativas en lugares pequenos que fan grandes produtos e especialmente grandes proxectos de vida, demostrando co bo facer que outra maneira de vivir e traballar é posible, e que omedio rural ofrece moitas opcións de futuro. 

Deixámosvos algunhas fotiños dos nosos amigos/as e produtores

Pan do Demo. Cogumelos
Petelos: Castañas
Mimá. Horta ecolóxica

O Rexo. Queixo
   




domingo 26 outubro 2014

De feira en feira...

Con isto da chegada do outono andaremos de feira en feira e queremos deixarvos algúns detalliños do noso posto.





                                                 

martes 21 outubro 2014

ONDE ESTAREMOS NAS VINDEIRAS SEMANAS?

O outono é unha boa época para ir de feirantes, por iso poderedes atoparnos:



I FEIRA DO OUTONO (Arcos, Ponteareas) os días 25 e 26 de outubro.






FEIRA DO OUTONO de ALLARIZ (8 e 9 de novembro)






TERRA ACTIVA _ FEIRA ECOLÓXOCA ARZÚA (15 d e16 de novembro).

mércores 01 outubro 2014

Elixide ben o que consumides.

O sabugueiro é un arbusto moi empregado na medicina dende sempre, na actualidade tamén, debido ás súas propiedades pois é Diurético, antibiótico, laxante, antiinflamatorio, estimula o sistema inmune,... contén muitas vitaminas (A, B6,...), muito potasio, calcio, ferro,...
Aquí tendes algúns usos:
Uso interno: Contra trastornos nervosos e insomnios. Alivia a migraña e os catarros.
Uso externo: Gargaras para desinfectar a gorxa ou compresas para baixar a febre. 
Infusión:  Infeccións da pel ou a conxuntivite. 
.... Outro día máis 

xoves 25 setembro 2014

BAGAS DE SABUGUEIRO....PERLIÑAS NEGRAS


BAGAS de sabugueiro, sabugo, bieiteiro, biuteiro,
sabuguiño,
bieito, 
sango, 
pao virandoiro,
samuxeiro,
birouteiro,
benteiro,
beneito,
beleiteiro,
beneito, 
biateiro,
bineito,
birouteiro,
vinteiro, viouteiro, sambuco, sambugueiro, samuxeiro, xabugo, viradoiro e virandoiro...